मॅडमही शिकल्या..!
मी एक शिक्षक !, तो असावा सर्वांगीण,
मी आहे का तशी?, म्हणून बघण्यासाठी घेतली दुर्बीण ।
वर्गात शिरताच, शोधला खडू आणि फळा,
न बोलताच काही, केला काळाचा गोरा।
हळू-हळू कुजबुज, "भारीच मॅडम" बापरे!
समोर हे काय चाललं? ,तुला समजलं काय रे?
अरे! यांनाही 'शिकवाया' हवं, गुपित हे उमगलं,
विचारले काही प्रश्न तर..., यांना काहीच नाही समजलं!
डोके माझे चक्रावले , विचारांचे झाले वाद,
हळू..हळू..हळू..! , विद्यार्थ्यांच्या गेले पास।
साहित्याने भरला वर्ग, आणले मणी-गोट्या-खडे,
इवल्या-इवल्या हातांतून, एक-दोन-तीन पडे।
हातांत होते किती? पडले किती? उरले किती?
शोधता-शोधता उमगले, गणिताची गेली भीती।
गंमती-जमती करत, आला तास भाषेचा,
अक्षर-शब्द-वाक्य, वाचण्या-बोलण्या-लिहिण्याचा।
शब्दांचे रचू डोंगर, कवितांच्या गुंफू वेली,
आनंदाच्या हिंदोळ्यावर, आपण सारे गाऊ गाणी।
ऑडिओ-व्हिडीओ-ब्लॉग्ज, कित्ती कित्ती क्लुप्त्या,
मोबाईल-टॅब-इंटरनेट, याशिवाय झाल्या नसत्या।
ब्लॉग्ज झाले-व्हिडिओ बनवले, अन् शब्द फुलोरे कवितांचे,
रचनावादाचे गिरविता धडे, भान माझे हरपले।
शाळा सजल्या-विद्यार्थी शिकले, खडू अन् फळा नकळत गेले,
मार कसला? छडीही गेली, आनंदाचे क्षण हे आले।
नव्या क्लुप्त्या अन् नव्या पद्धती, गोष्टी नव्या उमगल्या,
ज्ञानरचनावाद समजता समजता, मॅडमही शिकल्या।
चालता-बोलता-लिहिता, मीही कवी झाले,
किचन असो वा बाथरूम, गीत गाऊ लागले।
रिकामा वेळ आता नसतोच, बसलं की काहीतरी सुचतंच,
'मस्तच जमलंय' म्हणत, गालावर हास्य हे फुलतंच।
मग! कशी वाटली कविता?
जमली का मला?
आवडली असेल तर
काहीतरी बोला ...!!!!!
दि. ४/११/२०१७
धन्यवाद...!!!
No comments:
Post a Comment
ब्लॉगला भेट दिल्याबद्दल मनापासून आभार !!!