विचारांचा विचार करा
रविवारच्या या निवांत क्षणी
विचार आले माझ्या मनी
घर आवरावे की मार्केटला जावे
विचारही नव्हे नवखे।
अंथरुणातून उठताच नजर गेली
गादीखालच्या कागदांवर
कॅरीबॅग अन् भलतेच काही
अडगळीचे अन् महत्वाचे।
काही जीवावर आले
म्हणून ठेवलेले
अन् काही पटकन
सापडावे म्हणून ।
आज वाटलं काढावं
सगळ्यांना बाहेर
बघावं काय-काय
महत्वाचं म्हणून ठेवलेलं।
दुकानदाराशी भांडून एक "extra"
कॅरीबग
द्या साठीचा आग्रह
अन् त्यासाठी त्याने आपल्याला
आधीच लुटलं हेही माहीत नसलेलं।
एका "फ्री"च्या कॅरीबॅगने "अख्खी"
शॉपिंग आनंदात घालवत
कधी नको ते उचलून आणलेलं
तर कधी खूपच महत्वाचं म्हणून ठेवलेलं।
लग्नपत्रिका, झेरॉक्स, अन्
कधी कोरेच कागदं
कधी बँकेची अन् आणखी बरंच काही
हवं तेव्हा न मिळालेलं।
आज वाटलं खूप झालं
आता बस्स!आवरूया सगळं
तर त्यात कामाचं थोडंच
अन् बाकी तर घाणच घाण।
मोह आवरतो कुठं
पण आज कळलं
मार्केटला जाऊन काय आणलं
म्हणून घरच आवरलं।
मग मंडळी आपल्याही
गादीखाली बघा...
आवरायचंय की
आवरलेलं।
रविवार special
✍ श्रीमती आशा चिने ✍
No comments:
Post a Comment
ब्लॉगला भेट दिल्याबद्दल मनापासून आभार !!!