जुने-नवे
काही नसते,
विचारधाराच त्या बदलत असतात ।
त्याच मखमली चादरीवर,
नक्षी नव्याने विणायच्या असतात ।
वर्ष सरले कसे म्हणता ?
स्वप्न काठांवरून ओथंबू द्या ।
किनार करून नव्या वर्षाची,
झरा बनून खळाळू द्या ।
नसेलही कळीचे फुल झाले,
नसेलही श्रावणात मेघ दाटले ।
आठवणी जुन्याच आंबट-गोड,
पुन्हा नव्याने उजळू द्या ।
सुंदरशा या जीवन चित्रात,
रंग नव्याने भरू या ।
होईल उष:काल आनंदाचा,
अशी "आशा" करू या ।
काव्यलेखन
श्रीमती आशा चिने
No comments:
Post a Comment
ब्लॉगला भेट दिल्याबद्दल मनापासून आभार !!!